TALISAY CITY, NEGROS OCCIDENTAL – Gilayon nga nagpatawag sang isa Santos nga Misa ang Rafael B. Lacson Memorial High School sa ciudad sang Talisay matapos ginreport nga may pila ka mga estudyante diri nga gin-possess ukon ginsudlan sang malain nga espiritu sang nagligad nga adlaw.
Sa interview sang DYHB sa principal sang eskwelahan nga si Mam Genelyn Talita nga ang matuod nga hitabo amo nga may estudyante gid man nga nalipong apang ini bangud sang kakulba nga may nagdinalagan kag ang isa naman nalipong bangud nga wala naka-kaon ukon ini ang gutom.
Sa bahin sang ginasiling tiil nga naghurma sa blackboard, ginpahayag sang principal nga gin-ako sa iya sang pila ka estudyante nga sila ang may kahimuan sini kon diin ila ginbasa ang ila mga kamot kag ginpahurma sa blackboard.
Ginklaro sang principal nga indi exorcism ang natabo kundi posible ang amo nga mga estudyante ang nasudlan gid man sang malain nga espiritu.
Nagapati sila nga may mga “friends” gid man sa palibot bangud ang ginatindugan sang amo nga classroom ang sadto maligwin kag si-ot nga lugar.
Ginpahayag sang principal nga ang explanation sang pari amo nga may mga bata gid man nga weak ukon mahuyang ang espiritu kag pagtuo gani madali sila nga maka experience sini.
Ang solusyon suno sa mga pari amo ang pangamuyo kag hugot nga pagtuo.
Suno kay Mam Talita nga apesar sang natabo, normal gihapon ang hilikuton ukon activities sang eskwelahan.
