Lalaki nga nagmaniho sa iyang motor gipusil patay

29

Pagadian City – Patay ang usa biktima sa pagpamusil dihang dapita sa Pajares Avenue, Barangay San Jose, sakop ning syudad sa Pagadian, Zamboanga del Sur, alas 10 ang takna kagahapong adlawa Hunyo 18, 2021.
Naila ang biktima nga si Khareem Ricablanca Abas, 29 anyos, lalaki, ulitawo, usa ka Overseas Filipino Worker ug residente sa Purok Madasigon, Barangay Bulatok, sakop ning syudad sa Pagadian.
Sa imbestigasyon nasayran nga ang biktima ang gamaniho sa iyang motor nga kolor blue Raider, nga dunay plaka numero nga 092001.
Sa pag-abot sa biktima sa dapit hitabuan kalit lang kini nga gipusil sa wala pa maila nga suspetsado.
Ang biktima nakahiagom ug mga igo pinusilan sa iyang kalawasan sa iyang tiyan, tuo nga bukton ug sa likod.
Narekuber sa crime scene ang 4 ka mga basiyong bala sa kalibre .45 nga pistola sumala sa kapulisan.
Nadala pa ang biktima sa balay tambalanan apan wala na kini makaagwanta ug nakabsan sa hinulaman nga kinabuhi.
Sa pikas bahin padayon nga galusad pa ining panahuna ang pagpangalap ug mga ebedensya diha sa makuting imbestigasyon ang mga kapulisan ning syudad aron masuta ang motibo ug mailag, mapanubag ang nagpaluyo sa maong pagpamusil.//CCTO:WENDEL CABRERA

Facebook Comments