Aurora, Zamboanga del Sur – Sapon ang usa ka lalaki nga nakuhaan og pistola ug bala dihang girespondihan sa mga miyembro sa Civilian Volunteer’s sa Barangay Lintugop, Aurora, Zamboanga del Sur alas 8:00 kagabii.
Giila ang nadakpan nga suspetsado nga si Felix Ocania Jr.,us aka mananagat hingkod ang edad, residente sa purok Pantalan, Brgy. Balas sakop sa maong lungsod.
Sa inisyal nga imbestigasyon nasayran nga giaksyunan sa mga CVO sa lugar human nireklamo ang mga residente nga gapabuto ang suspek sa dapit.
Nakuha sa iyang posisyon ang 38 caliber 45 uban sa upat ka buhing bala.
Dugang niini nga ilang giimbestigahan usab sa PNP Aurora ang suspetsado nganong naghupot sa walay mga papeles nga armas ug unsay mga gikalambigitan niini.
Posible nga mag-atubang sa kasong pagsupak sa RA 10591 kon paghupot og illegal nga armas ang sa suspetsado.
