Lalaki nga wanted sa murder nga nagpakuno-kuno nga apa agud indi mabuyagyag ang iya krimen, lubos nga nadulaan sang tingog.
Suno sa nakapublish nga report sa isa ka chinese newspaper, nagaedad sang 45 anyos ag lalaki nga gintawag lamang kay Mr. Zeng nga suspek sa pagpatay sang tiyo sang iya sawa bangud sa away sa balayran sa arkila.
Nagpalagyo si Zeng sa isa ka lugar sadtong 2005 kag nagpuyo sang 12 ka tuig nga nagapakuno-kuno nga indi makahibalo maghambal.
Nakakuha sya sang trabaho sa isa ka construction site, nag-ilis sang iya ngalan kag nakapangasawa.
Apang may nakakilala sa iya kag gindakop ini kag base sa DNA test positibo sya nga nakilala.
Sang ginpamangkot sang iya kahilabtanan sa krimen, wala na sya sang tingog gani ginpasulat na lamang ang iya sabat kun sa diin gin-ako niya ang krimen.
Ang problema ni Zeng subong bangud indi na sya makahambal bunga sang 12 ka tuig nga wala na naggamit ang iya tingog.
