Lalaki nga nakamotor, naligis han truck, patay

TACLOBAN CITY – Naligis hin usa nga truck an usa nga lalaki nga nakamotor ha Maharlika highway Brgy. 91 Abucay, Tacloban City alas 10:30 yana nga adlaw, January 6.

Subay ha report han Police Regional Office 8, ginkilala an biktima nga driver han motor nga hi Joshua Jorda, 45 anyos, may asawa, empleyado han Pag-ibig fund, naukoy ha Tacloban pero residente ha Makati City.

Ginkilala naman an driver han truck nga hi Romark Reposo, 23 anyos, may asawa, residente han Brgy. Canmucat, Villareal, Samar.


Nagawas ha imbistigasyon han Tacloban PNP station 2 Abucay, nawarayan hin kontrol hi Jorda han iya motor amu nga sumemplang ini pero naligis naman hiya han nasunod nga truck.

Patay hi Jorda, samtang kapot na han mga otoridad hi Reposo.

Maatubang hi Reposo hin kaso nga reckless imprudence resulting in homicide and damage to property.

Facebook Comments