Lalaki nga nanghasi arestado sa kapolisan

42

Davao City – Gisikop sa kapolisan sa Mobile Group Patrol J52 kauban ang Task Force Davao ang usa ka lalaki human nangharas ug misuway og hostage alas 5:45 sa hapon sa mga kababaihan nga muagi sa pedestrian lane duol sa Redemptorist Church sa JP.Laurel Ave. syudad sa Davao.

Sa report gikan sa San Pedro Pnp naila ang suspitsado nga mao si Raul Eroy, 52 anyos, nagpuyo sa Margarita Village, Bajada ning siyudad.

Matud pa samtang nagduty ang kapolisan sa pagpanguna ni Police Officer 1 Gil Collado kauban ang sakop sa Task Force Davao nga si Corporal John Sumalinog nakit-an nila ang suspek nga nanghasi sa mga muagi sa maong lugar ug nakahatag og kaalarma sa mga nanimba kagahapon.

Sa dihang gikompronta sa mga otoridad ang suspetsado iyang gikuha ang usa ka cable nga ginama sa metal ug gisuwayan og hostage ang usa ka babae aron di kaduol ang mga sakop sa otoridad.

Apan malampuson nga nasikop ang lalaki sa mga otoridad ug nakuha gikan sa iyang posisyon usa ka cable metal nga daling giturn-over sa kapolisan San Pedro.

Ang suspek balhug na San Pedro Pnp ug nagpaabot nalang ang kapolisan sa complainant kun mupasaka ba og kaso batok sa suspetsado.

RadyoMaN Don Pulayao

Facebook Comments