Davao City – Gipasakahan na sa San Pedro PNP og kasong frustrated murder ang usa ka Jerry Degusman, 41 anyos, usa ka laborer, lumad nga taga Salvacion Panabo City ug kasamtangan nagpuyo sa Barangay 76-A siyudad sa Davao.
Kahinumdoman naaristo sa kapolisan ang suspetsado human nangdunggab sa biktima nga naila sa pangalang Felipi Tuboran, 32 anyos, ulitawo, pintor ug nagpuyo sa Purok 8 Barangay 76-A Bucana ning syudad.
Matud pa igo lang mitambong ang biktima sa birthday sa iyang silingan sa dihang niabot ang suspek ug nakisabay ug inom apan sa dihang nahubog na kini kalit gidunggab ang biktima tumong sa tiyan.
Ang biktima padayon pa nga nagpaalim sa Southern Philippines Medical Center.
RadyoMaN Don Pulayao
Facebook Comments
