Usa ka lalaki giposasan human nasakpan nga namuso sa naligo nga babaye ug nikuha pa gyud ug video sa iyang cellphone .
Ang 22 anyos nga lalaki nga nagtingkagol na karon sa prisohan nailhan nga si Kervin Gimena taga La Guardia , Lahug sa dakbayan sa Sugbu .
Si SPO3 Roland Canillo niasoy nga nakit-an gyud sa babaye nga nagtungtong ibabaw sa pansayan nga iyang gikaligoan ang nagsuspek nga nigamit sa celphone aron pagkuha ug video .
Dihang nasakpan na nikaratil ug dagan ang suspek , ug gigukod kini sa biktima nga nagtapis lang ug tuwalya.
Nitabang na ang mga silingan sa paggukod ug nadakpan gyud si Gimena nga naa na karon sa prisohan .
Facebook Comments
