BACOLOD CITY – Nagapanimuron karon karsel ang isa ka traysikad driver matapos nga ini siya ang gindakup sang pulis sa kaso nga pagpanghimulos sa isa ka 6-anyos nga bata nga babayi sa Brgy. Taculing, Bacolod City.
Ginkilala ang suspect nga si Dennis Lebosada, 31 anyos ang edad, pumuluyo sang amo nga barangay.
Gindakup si Lebosada sang mga katapo sang Police Station 6 mga kahapon sang hapon sa balay nga iya gina-istaran sa Brgy. Taculing.
Ini matapos nga ginreklamo siya nga nagpanghimulos sa isa ka 6-anyos nga bata nga babayi nga iya man lamang kaingod balay.
Base sa pagpangusisa sang mga katapo sang Police Station 6, ginpalantaw anay sang bold nga pelikula sang suspek ang biktima antes niya ini ginhimuan sang malaswa nga bagay.
Detained karon sa custodial facility sang amo nga estasyon sang pulis si Lebosada kag ginahanda na ang kaso nga igapasaka batuk sa iya./dyHB BACOLOD
