Nagpaabot pa karon ug pormal nga kasong ipasaka ngadto sa usa ka wanted human kini nasikop didto sa Brgy. Pob. North, lungsod sa Piñan sakop ning atong probinsya sa Zamboanga del norte.
Kahinumduman nga nagpahigayon ug manhunt operation ang kapulisan sa maong lungsod niadtong adlawng lunes mga 4:40PM.
Didto ilang nasikop si Sanny Boy Landiza Diaz, 26 anyos, ulitawo, nagpuyo sa Brgy. Sta. Fe, sakop sa maong lungsod.
Aduna kini tanggong nga warrant of arrest sa lamesa ni Judge Rogelio D. Laquihon sa branch 7, 9th Judicial Region, Dipolog City tungod sa kasong Rape may kalabutan kini sa R.A 7610 (AN ACT PROVIDING FOR STRONGER DETERRENCE AND SPECIAL PROTECTION AGAINST CHILD ABUSE, EXPLOITATION AND DISCRIMINATION, AND FOR OTHER PURPOSES.) ilawom sa CC no. 20688 ug 20689, penetsahan kini ug Enero 16, 2017, walay pyansa nga girekomendar ang niini.
Ang maong dinakpan anaa pa kini sa kustodiya sa Piñan MPS alang sa tukmang disposasyon.
