Dakpan sa kapulisan sa lungsod sa Naga, Zamboanga Sibugay ang usa ka pinangita sa balaod nga taga lungsod sa Sindangan ning Probinsya sa Zamboanga del norte human kini didto mitago.
Kahibaloan nga naghimo ug operasyon ang Naga MPS ug Sindangan MPS didto sa may Purok 5, Brgy. Aguinaldo sakop sa lungsod sa Naga niadtong adlawng huwebes.
Naila ang dinakpan nga si Ramil Macion Molas, 37 anyos, usa ka rubber tapper nga taga brgy. Nato, Sindangan.
Bitbit sa kapulisan ang warrant of arrest penetsahan ug Agosto 31, 2017 tungod sa kasong Cattle Rustling ilawom sa CC no. S-5646 nga giisyo ni Judge Reymar Lacaya, adunay pyansa nga girekomendar ang korte sa kantidad nga P18,000mil.
Human nga documentation didto sa Naga MPS, gilayong gidala sa Sindangan MPS alang sa tukmang disposayon may kalabot sa kasong giatubang.
Samtang sulod sa 24 oras, atol sa nahinayon nga away ni Manny Pacquiao batok kang Lucas Mathysse walay dagkong panghitabo ang natala sa kapulisan dinhi sa probinsya sa Zamboanga del norte.
Gawas lamang sa mga petty crimes nga natala sa pipila ka mga Municipal Police Station apan dili kini makapatandog sa kahapsay ug kalinaw dinhi sa probinsya sa Zamboangadel norte, kini tungod sa hugot nga pagpatuman sa mga checkpoint sa nagkadaiyang lugar ning probinsya lakip na usab ang kanunayng pagtukaw sa mga sakop sa tinugyanan balaod aron nga luwas ang katawhan ug ang mga dumoduong.
Kanunay usab ang pag awhag sa kapulisan nga kun adunay mamatikdan nga mga kadudahang lihok sa usa ka indibidwal gilaynong itaho sa kapulisan aron dali mahatagan ug aksyon.
