Lalaki nga waray magsarit nga ma-absent ha iya gintatrabahuan, ginbuno

482

TACLOBAN CITY – Ginbuno an usa nga lalaki ha Merkado Publiko, Tacloban City kasangkulop, September 8.

Ginkilala an biktima nga hi Ariel Bantola 21 anyos, residente han Brgy. 37 Reclamation area, Tacloban City.


Ginkilala naman an suspek nga hi Jestoni Balbuena, 43 anyos, residente han Brgy. 106 Sto Niño, Tacloban City.

Nagawas ha imbistigasyon han mga otoridad nga waray magsarit hi Bantola nga ma-absent hiya ha iya gintatrabahuan nga construction company.

An suspek nga hi Balbuena in anak han agaron han construction.

Nagpan-abot an duduha ha merkado ngan ginkompronta ni Balbuena hi Bantola, ginbuno gamit an pisaw hi Bantola.

Angkon han biktima an samad dapit ha iya butkon.

Basi ha imbistigasyon, nakainom an suspek.

Gindara naman hi Bantola ha hospital para matambal samtang an suspek padayon pa nga ginbibiling han mga otoridad. (Reports from Rizza Calaay)

Facebook Comments

From Advertisers