*General Santos City— Giklaro ni Gensan City Mayor Ronnel Rivera nga tanggal na sa serbisyo ang traffic enforcer nga unang nadakpan sa City Drug Enforcement Unit nga si Joel Cortez Torado kung asa wala matud pa sila magkulang sa pahimangno nga dili maglambigit sa illegal nga gimbuhaton.*
*Saysay niya nga anaa sa kapin 3mil nga empleyado ang anaa sa lokal nga panggamhanan, regular ug job order nga kanunay ginapa-ilalom sa random drug testing.*
*Pag-angkon niya nga dismayado siya sa maong panghitabo ug aminado nga dili kini ang unang higayon nga dunay empleyado sa gobyerno ang nadakpan tungod sa illegal nga droga.*
*Dugang pamahayag ni Mayor Rivera nga dili gyud niya konsintihon ang samang mga binuhatan sa mga empleyado sa lokal nga panggamhanan busa kinahanglan gyud nga kinsa mang madakpan ang manubag gyud sa baluad.*
*Pagpaklaro niya nga kanunay ang ginahimong random drug test sa tanang mga empleyado ug lakip na niini ang mga traffic enforcer sa dakbayan.*
*Saysay niya nga isip anaa sa gobyerno, kinahanglan sila ang unang mutuman sa kampanya batok illegal nga droga nga usa nag-unang programa ni Presidente Duterte.*
