Naangol ang usa ka 35 anyos nga lalaki human nikatkat kini sa lubi ug nilayat sa Barangay Mainit sa dakbayan sa Naga habagatang Sugbo.
Ang naangol ug gidala sa Vicente Sotto Memorial Medical Center nailhan nga si William Capablanca.
Usa ka barangay tanod ang nanawag ug medical team gikan sa City Disaster Risk Reduction and Management Office aron motabang ni Capablanca human nilayat gikan sa punoan sa lubi.
Nasayran nga gikan sa pagkahinanok ug katug, kalit lang nibangon si Capablanca kay gikabuhi ug nidagan kini paingon sa lubi kay matud pa adunay naggukod kaniya.
Gikan sa taas nga bahin sa punoan nilayat kini hinungdan nga naangol si Capablanca.
Facebook Comments
