South Cotabato – padayon ang gihimong pag-imbistiga sa Tupi Municipal Police Station kalabutan sa pagpamusil patay sa usa ka lalaki sa may Purok Top Land, Barangay Miasong, Tupi, South Cotabato. Biktima giilang si Rolly Catimpo Sabiaga, 38, residenti sa nasampit nga lugar.
Sa inisyal nga imbistigasyon sa mga imbistigador sa Tupi PNP, nasuta nga hapon sa n akalabayng adlaw nagbaktas ang biktima padulong sa tindahan aron unta mupalit ug sigarilyo apan kalit lang miabot ang usa ka mamumuno dayon gipusil ang biktima.
Nakaangkon ug samad sa iyang kilid ang nasangpit nga hinungdan sa iyang kamatayon. paspas usab nga misibat ang suspek sa wala matibong lugar.
Sa karon gina istablisar pa sa kapulisan ang posibling motibo sa krimen samtang nangalap pa sila sa kasamtangan ug mga testigo kansa posibling makatudlo sa suspek sa krimen.
