Tigbao, Zamboanga del Sur – Samad nilubaan sa nagkadaiyang bahin sa kalawasan ang nahiaguman sa bikima nga maoy naghatod niini sa kamatayon sa nahitabong pagpang-luba sa alas 4:30 sa hapon kagahapong adlawa sa may Purok 1, Nilo, Tigbao, Zamboanga del Sur.
Ang biktima naila nga usa ka Rudy Lusay Lumambong, 53 anyos, minyo ug lumolopyo sa mao nga lugar.
Ang giluba sa suspetsado nga iya ra usab nga kainum mao si Anecito Gemina Conol, 41 anyos, minyo, lumoloypo sa Purok 1, Nilo, Tigbao Zamboanga del Sur.
Sa Imbestigasyon nasayran nga ang biktima og suspetsado nag-inum og ilimnong makahubog sa panimalay sa usaka Rico Gemina.
Taliwala sa ilang panag-inum, ang suspek nga si Anecito Conol miuli kini sa iyang balay ug nagkuha og kutsilyo.
Mibalik ang suspek ngadto sa biktima og sa walay langan giluba ang biktima sa maka-daghang higayon nga maoy hinungdan sa iyang hinanali nga kamatayon.
Ang suspek human sa maong panghitabo mipalayo kini paingon sa silingang Barangay, apan nianang pagka alas 6:10 sa gabii sa mao gihapon nga adlaw boluntaryo kini mi-surender ngadto sa usa ka Tata Verano, residente sa barangay Maragang, sakop ra gihapon sa lungsod sa Tigbao.
Og gi tugyan usab kini ngadto sa mga personahe sa Tigbao Municipal Police Station alang sa tukmang disposisyon.
