Lalaki patay human miboto ang likid sa gisakyang motor

Patay ang usa ka lalaki human kini maaksidente sa motor nga iyang gisakyan pasado alas dose ang takna sa kaudtuhon kagahapong adlawa.

Sumala sa blotter sa kapulisan sa station 3, nga midangop sa ilang buhatan ang usa ka babae nga si Aisa Cunanan Flores, 28 anyos single, ug molupyo sa Purok Catleya, Barangay Acmac sakop ning syudad sa Iligan.

Sumala pa, nga samtang nagsakay ang biktima sa motor nga gimaneho ni Dennis Cunanan Flores, 34 anyos single ug molupyo sa susamang dapit, kalit lang nga mibuto ang ligid sa maong motor samtang kini anaa sa National Hi-way sa Barangay Sta. Felomina partikular na duol sa ILICOCO.


Naka angkon ug samad ug bun-og sa kaluwasan ang wala na gipanganlan nga biktima nga angkas sa maong motor nga daling gidala sa City Hospital apan gi balhin sa Cagayan de Oro.

Didto na kini nakabsan sa iyang  hinulamang kinabuhi bandang alas 2:35 ang takna sa hapon human nga wala na kini maka agwanta. (RadyoMaN Junrey Ochea)

Facebook Comments