Siayan, ZDN-Patay nang nahidangat sa balay tambalanan ang usa indibidwal human na nadisgrasya sakay sa iyang motorsiklo didto sa may Sitio Dagoa, Pob. Siayan, ZDN sa miaging Domingo Marso 11, 2019 sa may 11:40PM.
Igo nalang sa pagpatulo sa ilang mga luha ang mga kabanay sa gidangatan ni Eddie Von Bernadez Lozada, 26 anyos, residente ra usab sa maong dapit.
Matod pa sa mga nakasaksi , naghay-ad kini sa kanal nga wala nag a ginhawa. Gisulayan kini ug dala sa Siayan Diagnostic Center apan wala nay kinabuhi.
Subay sa report sa PNP Siayan, ang biktima sakaya sa XRM gikan sa Sitio Dagao padulong sa Pob. Siayan, pero pag abot sa lugar nahitaboan sa may kurbadahon milahos kini sa pikas linya ug maayong pagkabulandos padulong sa kanal nga kung diin naka angkon ug grabeng bun-og sa lawas apil na ang ulo niini.
Awhag karon sa kapulisan sa mga motorista nga magsuot gayud ug helmet kun mo byahe.
Samtang lauman nga daghan mga sakop sa kupilisan ang makita diha sa matag terminal ilabi na dinhi sa satellite aron bantayan ang seguridad sa maong sumasakay tungod kay pipila nalang kaadlaw moaabot na ang SumVac.
Awhag karon sa pnp zamboanga del norte nga kung adunay mga bata nga kauban dili gayud biyaan kay lauman nga daghang mga commuter nianang panahona ug basin unya matigwalaan.
