Janiuay, Iloilo- Pilas sa wala nga bahin sang liog ang naangkon ni Jofel Fernandez, 33 anyos matapos ginlabo sang iya kaupod sa ilimnan nga ginkilala kay Joven Santi , lunsay residente sang Barangay Canauili, Janiuay.
Natabo ang insidente kahapon sang hapon , Enero 19 sa nasambit nga barangay.
Suno kay PO3 Jessie Caro sang Janiuay MPS, magkaupod nga naga-inon-inom sanday Fernandez kag Santi apang nagluntad ang indi pag-intyindihanay tubtob ginlabo sang suspek ang biktima.
Padayon nga ginabulong sa Western Visayas Medical Center si Fernandez samtang preso na sa Janiuay MPS si Santi.
Facebook Comments
