General Santos City—Putol ang wala nga kamot sa usa ka Johny Table, Legal age, residenti sa Purok Langka, Barangay Conel, Gensan samtang hapit usab maputol ang duha ka tudlo sa usa ka Edwin Aguilar human nga gitigbas sa suspek nga si Joven Sanchez, legal age, residenti sa baranagy Katangawan, Gensan, alas 9:45 ang takna sa gabie didto sa Purok 1, Barangay Katangawan.
Sa interview sa RMN News Team ngadto sa biktimang si Tadle, nag inum sila sa iyang mga kaubanan sulod sa compound sa iyang amo dihang niapil-apil usab ug inum ang suspek nga si Sanchez.
Ihang midesisyon ang mga nasampit nga manguli na, nakuratan nalang ang biktima nga kalit lang syang gi-ataki sa suspek dayon gitigbas. Iyang gisagang ang sundang nga hinundan sa pagkaputol sa iyang wala nga kamot.
Human siyang gitigbas, gisunod ug ataki sa suspek ang kaubanan sa biktima nga si Aguilar diin igo usab kini sa iyang tudlo.
Didto na mitabang ang mga tawo sa lugar hain nag inilugay pa ug sundang ug nakulatahan ang suspek.
Parehong gipangdala sa Dr. Jorge Royeca Hospital ang duha ka biktima ingon man ang suspek.
Nasayran nga pursigidong mupasang-at ug kaso ang duha ka mga biktima ngadto sa suspek.
