Padayon pa karon ang pagpangalap ug dugang impormasyon sa kapulisan sa lungsod sa Katipunan may kalabot sa nahitabong pagpanigbas.
Kahinumduman nahitabo ang maong pagpanigbas didto sa Brgy. Singatong, lungsod sa Katipunan.
Ang biktima mao si Julito Lubog Atam, 31 anyos kinsa gitigbas ni Alyas Allan usa ka menor de edad, nagpuyo sa Sitio Sibayog, Brgy. Singatong.
Sa nahipos nga impormasyon sa kapulisan sa lungsod sa Katipunan maayong pagka igo sa agtang sa biktima lakip na ang iyang walang abaga.
Dali kining gidala sa balay tambalanan, sa pagkakaron padayon pa kining nagpaalim sa iyang samad.
Samtang ang person of interest nga si alyas Allan anaa karon sa kustudiya sa kapulisan sa maong lungsod samtang padayon pa ang imbistigasyon.
Matod pa, lango sa ilimnong makahubog ug wala pagkasinabtanay ang motibo sa nahitabong pagpanigbas.
