Katipunan Zamboanga del Norte – SIKOP ang usa ka lalaki nga gituohang tigpayuhot sa ginadiling druga atol sa buy-bust operation nga gipahigayon sa kapolisan sa Katipunan mga alas 5:25 sa hapon sa Purok 4, Barangay Uno, Lungsod sa Katipunan, kagahapon adlawa.
Giila ang suspetsado nga si Roger Orong Kilmare, 42 anyos, minyo nga residente sa Barangay Nanginan, Katipunan.
Ang operation gipangulohan ni PCI Nestor Gania Jr., Chief of Police diin nasapon sa akto ang suspetsado nga nagpayuhot sa gituohang ginadili nga druga.
Nakuha gikan kang Kilmare ang buy bust money og ang gikatahapang mga pakete sa shabu.
Nasayran nga ilado si Kilmare sa pagpayuhot sa illegal nga druga sa maong barangay.
Ang maong suspetsado kasamtangang nagtingkagol na sa prisohan sa Katipunan Municipal Police Station.
