General Santos City—sikop sa operatiba sa City Drug Enforcement Unit ang usa ka lalaking pusher atol sa gihimong buybust operation sa area sa Kulasi, Barangay Labangal, Gensan.
Ang suspek nailhang si Junmar Ometing alias Tata, 35, resindenti sa Bulaong Extension, Barangay Labangal, Gensan.
Alas 7:30 ang takna sa gabie, Hwebes, Mayo 18, 2017 dihang nasikop ang nahisgutan sa may Kulasi Labangal human kining napalitan ug (1) ka sachet sa gituohang shabu gamit ang P500.00 nga marked money.
Dihang gihimo ang pag rekisan sa iyang lawas, laing (1) pa ka sachet sa gituohang shabu nag nakuha gikan sa iyang posisyon.
Wala na mipalag ang suspek human nga nakorner sa mga operatiba sa CDEU sa pagpanguna ni Police Sr. Inspector Fernando Manuel Jr. Hepe sa CDEU.
Sa gipagula nga report sa CDEU ang suspek ang dugay nang gipanid-an gumikan sa gikalambigitan niining iligal.
Kasong paglapas sa sec. 5 ug 11 ang ipasang-at nga kaso sa nahisgutang suspetsado kansa kasamtangan na karon nga balhog sa silda sa Makar Police Station.
