General Santos City – Sikop ang usa ka lalaki tungod sa kasong Grave threats atol sa gihimong Manhunt Charlie sa Police Station 7 niadtong Nobyembre 13, 2018 ala 1:30 ang takna sa hapon.
Giila ang suspek nga si Rogelio Luna Gloria, alyas Dodong Gloria, 37 anyos, nga nagpuyo sa Purok 17A, Block 68, Barangay Fatima ning Dakbayan sa Gensan.
Sumala ni Police Senior Inspector Heilbron G. Okeren, Officer-In-Charge sa Police Station 7 nga nasikop ang suspek subay sa gahum sa warrant of arrest sa kasong Grave threats (Act 282, No. 2 RPC) nga may criminal case No. 52404-2 nga gi-isyu ni Hon. Emilio O. Quilason Jr. presiding Judge sa MTCC Branch 2 ning Dakbayan sa Gensan penetsahan ug Agosto 2, 2018.
Sa karon ang suspek balhog naa sa silda sa Police Station 7, ug gikatakda kining iturn-over sa Gensan City Reformatory Center, mamahimo kining temporaryong makagawas sa presohan kung kini makapyansa ug 2,000.00 pesos. (Raven Joy Bucio)
