Dipolog City – SIKOP ang usa ka gituohang tigpayuhot sa ginadiling druga atol sa buy-bust operation nga gikasa sa Dipolog PNP uban ang mga ahente sa PDEA Zanorte, bandang alas 7:25 sa niaging gabii didto sa national highway Barangay Galas, dakbayan sa Dipolog.
Giila ang suspetsadong nadakpan mao si Alexander Jutba Sangatanan, 35 anyos, minyo nga lumulupyo sa relocation site Barangay Olingan ning dakbayan.
Gibutyag ni PCI Vergil Bruce Dario, chief of intelligence officer sa Dipolog City Police Station, nga nasapon sa akto ang suspetsado nga nagpayuhot sa gituohang ginadili nga druga.
Nakuha gikan kang Alexander ang buy bust money, usa ka cellphone, upat ka medium size sa pakete sa gituohang shabu ug usa ka unit sa single motor nga maoy gisakyan sa illegal nga transaction.
Nasayran nga mokabat sa 10mil ka pesos ang market value sa nakuhang illegal nga druga.
Ang maong suspetsado kasamtangang gibalhog na sa prisohan sa Dipolog PNP.
