RMN Laoag – Natay kalpasan a natagbatagbat ti maysa a lalaki babaen ti bukodna a bayaw, rabii ti Marso 9, 2019.
Nabigbig ti biktima a ni William Nabara, agtawen 36, naasawaan ken taga Barangay Binacag, Banna, Ilocos Norte ken nabigbig met ti suspect a ni Romeo Tungpalan y Talingao, bayaw ti biktima.
Iti imbestigasyon ti PNP Banna, rumrumuar a napan nakiinom iti makasanger ti suspect iti balay ti biktima. Kabayatana iti panagiinomda, ada iti diskusyon a saan a nagkinaawatan dagiti dua a puon ti ririda.
Dagus a nangala ti buneng ti suspect iti sirok mismo ti papag a pagiinomanda ket bayat nga ilayatna daytoy buneng nakita met ti kabsat ti suspect a ni Elenor Nabara isu’t gapuna a nadangran met daytoy.
Kalpasanna insarunona ni William a tinagbat, iti ulo ken tengnged ket dagus a natalimudaw aginggana a naawanan ti puotna.
Insigida a nagresponde dagiti otoridad iti panangidadaulo ni Police Major Arnel Tabaog ket ditoy a natiliwda ti suspect. Naitaray dagiti agasawa iti Nueva Era Health Unit ngem naideklara ni William a dead on arrival babaen ken Dr. Rickson Balalio.
Naiyakar met ni Elenor iti Doña Josefa E. Marcos Hospital tapno maagasan ti sugatna nangnangruna iti pangana.
Sumango ti agsusukot a kaso ti suspect kas ti; Murder, Frustrated Murder ken Batasang (BP) No. 6 wenu Omnibus Election Code (Illegal Possession of deadly weapon).
Maisayangkat met ti panagipila ti kaso iti fiscalia iti aldaw ti lunes, Marso 11.
Bernard Ver, RMN News
