*General Santos City— Arestado atol sa gipahigayong buybust operation sa kapulisan sakop sa police station 4, inabagan sa RPDEU ug PDEA 12 ang usa ka Jeffry Oliver Fin, 34 anyos nga residente sa Prk. Magsaysay, Poloomolok, South Cotabato.*
*Alas 7 pasado ang takna sa gabii dihang gihimo ang operasyon sa area sakop sa Brgy. City Heights kung asa positibong napalitan ug droga ang suspek pinAagi sa pulis nga nagpaka-aron ingnon nga buyer.*
*Nakuha gikan sa posisyon niini ang buybust item, buybust money ingon man usa ka gamay nga pitaka nga aduna pay sulod nga laing mga sachet sa gituuhang shabu.*
*Sa karon, balhog na sa lock-up cell sa police station 4 ang suspek ug gikatakda na kining pasakaan ug kasong pagsupak sa sec. 5 ug 11 sa R.A 9165.*
Facebook Comments
