General Santos City—Patay ang usa ka suspetsadong apil sa drug watchlist nga si Rodrigo Samling, 36 anyos nga taga Purok 4, Barangay Landan, Polomolok, human nga misukol sa mga pulis atol sa gihimong operasyon sa may Purok 1, Barangay Polo alas 10:00 sa buntag niadtong nakalabayng adlaw.
Nasayran nga igo ra untang i-serve sa kapulisan ang warrant of arrest batok sa suspek gumikan sa kaso niining rape.
Dihang gipara sa kapulisan ang gimanihuang multicab sa nasampit, mibunlot ug pusil ang suspek dayon gipabuthan ang mga pulis.
Paspas man nga nakabalos ang kapulisan diin napusilan gyud ang suspek igo sa lawas nga hinungdan sa iyang kamatayon.
Narekober sa posisyon sa suspek ang cal. 38 nga pusil ug upat ka mga buhing bala.
Facebook Comments
