General Santos City–Luwas na sa kuyaw nga kahimtang ang biktimang si Rubin Agot, 27, residenti sa Purok Sugod, Barangay Apopong, Gensan kansa una nang giatsa sa wala pa mailhing suspek sa may Crossing Makar, Barangay Labangal, GEnsan niadtong nakalabayng adlaw.
Sumala ni Ruby Agot, ig-agaw sa biktima nga igo ra silang nag-inum sa iyang ig-agaw ug mga amigo sa usa ka imnanan sa maong lugar dihang sila natripan sa mga suspek.
Nakaangkon ug samad sa iyang ulo ang biktima mao nga ila kining gidala sa ospital aron mapailawom sa medikasyon.
Selos ang usa sa mga gituohan ni Ruby nga hinungdan nganong gibunalan ug atsa ang iyang ig-agaw.
Duna matud pay babaye nga nag sige ug duol kanila samtang sila anaa pa sulod sa imnanan. Posibli matud pa nga nasuko ang mga kaubanan sa maong mga babaye mao nga sila giresbakan.
