General Santos City—Angol ang usa ka lalaki nga giilang si Rodino Rosabala, 32 anyos nga taga Purok Matinabangon, Barangay Labangal, Gensan alas 10:30 ang takna kagabie.
Subay sa pahayag sa biktima atol sa gihimong interview sa RMN Gensan News Team, iyang gibutyag nga siya pauli na unta sa ilang balay gikan sa usa ka internet cafe sa ilang lugar.
Samtang siya anaa sa gawas sa maong establishemento, siya giduol sa duha ka wala mailhing suspek dayon gidunggab duha ka higayon igo sa iyang liog ug tiyan nga bahin.
Paspas nga misibat ang mga suspek sa wala masayring lugar samtang ang biktima gidala sa iyang mga kabanay sa Dr. Jorge Royeca Hospital.
Giangkon sa biktima nga aduna syay nakalaban sa maong lugar ug kini maoy usa sa iyang gidudahang nagpaluyo sa pagpanunggab kaniya.
