Davao City – Gipasakaan na og kasong murder ang lalaking miluba-patay sa iyang ka live-in partner sa Calinan.
Base sa report sa Calinan PNP, gi-file na kagahapon sa nasangpit nga istasyon ang maong kaso batok sa suspek nga si Ronnie Sabio, 47 anyos nagpuyo sa Campo 5, Brgy Talomo River, Calinan syudad sa Davao.
Kahinumduman nga gidunggab-patay sa suspek ang iyang ka live in nga giilang si Aljean Sotto kaniadtong miaging adlaw tungod sa gituuhang selos ang hinungdan.
Nasayran nga dili madawat sa suspek nga bulagan na usab siya sa babae hinungdan nga nagdulom ang panan-aw niini og mikuha og kutsilyo dayon dunggab dunggab sa biktima ug naigo sa walang dughan.
Sa karon, gihaya na sa St.Peter Funeral Parlor sa Calinan ning syudad sa Davao samtang ang suspetsado balhug na karon sa Calinan PNP.
RadyoMaN Don Pulayao
