General Santos City—Nailhan na ang biktimang una nang nakaplagang patay sa may Zone 4, Barangay Fatima, Gensan niadtong Hunyo 18, 2019.
Giila ang biktima nga si Joseph Tobiano, legal age, residenti sa Zone 2, Block 8, Barangay Fatima, Gensan.
Una nang nahidangat ang igsuon sa biktima sa buhatan sa Fatima Police Station hain positibo niining giila ang patayng lawas nga iyang igsuon.
Basi sa pahayag sa igsuon sa biktima nga si Karen, nananghid nga molakaw ang iyang igsuon para motrabaho niadtong Hunyo 18, tungod walay cellphone wala silay kumunikasyon. Natingala matud pa sila nga wala makauli suldo sa pipila ka simana ang iyang igsuon mao nga ilang gipangita sa trabahuan niini, apan wala ang biktima mao nga sila midangop na sa kapulisan.
Samtang gikumperma usab ni Police Major helbron Okurin, Hepe sa Police Station 7, nga aduna na silay person of interest sa maong insidenti. Dili usab niini ibutyag kung si kinsa gumikan nagpadayon pa ang ilang imbistigasyon.
Gikumperma usab niini nga dili lang usa ka tawo ang responsible sa krimen sanglit posibleng usa ka grupo ang responsabli niini. Wala usab gibutyag sa opisyal ang motibong ilang gitutukan sa maong krimen.
