General Santos City—Padayon pa karon ang gihimong imbistigasyon sa kapulisan kalabutan sa nahitabong pagpamusil sa wala pa mailhing suspek ngadto sa biktimang si Alias David, Legal age, Residenti sa Fundar Subd., Barangay Poblacion, Polomolok, South Cotabato.
Nasayran nga alas 8:00 pasado ang takna sa gabie dihang nakaplagan sa usa ksa tricycle driver ang patayng lawas sa biktima nga nagbuy-od sa tunga sa dalan sa may upper Nopol, Barangay Conel Gensan.
Gilayong nagpakitabang ang driver ngadto sa San Isidro Police Station aron nga masuta ang patayng lawas sa nasampit nga biktima.Didto nakit-an ang samad sa nasampit sa iyang ulo nga gituohang hinungdan sa iyang kamatayon.
Narekober sa mga personahe sa SOCO ang usa ka fired cartridge sa wala pa masutang matang sa armas. Sa karon mas gipalawman sa kapulisan ang ilang imbistigasyon kalabutan sa insidenti.
