General Santos City—Nagpabiling anaa sa talandugong kahimtang ang usa ka Anthony Ian Cuardo Aliscain, legal age, nga taga Rivera Street, Barangay Lagao Gensan kansa biktima sa pagpamusil alas 4:20 ang takna kagahapong adlawa sa Tiongzon Street., Barangay Lagao Gensan.
Subay sa inisyal nga report sa Police Station 3, ang biktima sakay sa iyang motorsiklo, pag-abot sa lugar kalit matud pa kining gipusil sa duha ka tawo nga nakamotorsiklo.
Samad sa walang bahin sa iyang ulo ang naangkon sa biktima kansa daling gidala sa Balay tambalanan. Mga suspek sa krimen paspas nga misibat human sa pagpamusil.
Base sa blotter report sa Police Station 3 gibutyag nga si Aliscain ang drug personality sa ilang buhatan. Gumikan niini usa sa mga anggulo nga ilang gitutukan karon ang kalabutan sa iligal nga droga apan wala usab nila ginabaliwala ang uban pang anggulo nga posibleng motibo sa pagpamusil.
