General Santos City—Sikop sa gipahigayong Entrapment Operation sa operatiba sa Tambler Police Station ang usa ka Factory Worker nga si Jordan Calolong, 28 anyos, temporaryong nanimuyo sa may Purok Saludin , Barangay Labangal ug lumad nga taga Barangay Big Margus, Glan Sarangani , Province human kini gireklamo sa duha ka mga babaye nga silang Alias Cecil , 49 anyos ug Evelyn, legal age, susamang lumolopyo sa barangay Fatima Gensan.
Kahibaluan nga bandang alas 3:00 sa kadlawon una nang nanayaw sulod sa 4 sisters video-k bar nga anaa nahimutang sa Purok Lower Acharon, barangay Calumpang ang duha ka mga reklamante asa nabilin ni Reyes ang iyang bag nga dunay sulod nga kwarta ug cellphone.
Dihang mibalik sa ilang lamesa ang duha ka mga biktima wala na ang maong bag hinungdan nangayo kinig tabang sa kapolisan sa Tambler hinungdan gilayong gitawagan ang cellphone ni Reyes nga nadala ni Calolong apan mi demand matud pa ang suspetsado nga iyang lang i-uli ang phone ug salapi basta makig hilawas lang si Evelyn ngadto kaniya.
Gipaningkamutan matud pa ni Solires nga mugawas ang suspetsado hinungdan kini nadakpan asa nakuha sa posisyon sa nahisgutan ang cellphone , kwarta apil na ang usa ka pakiteng marijuana.
Gikatakdang mag-atubang ug kasong theft ingon man sa Republic Acts 9165 ang nahisgutang suspetsado. (Ray Sabillo)
