Timbog ang isang lalaking tulak umano ng ilegal na droga sa San Juan City matapos ikasa ang buy-bust operation laban sa kaniya pasado alas-8:00 kagabi.
Nakilala ang suspek na si Randy Tancinco Eugenio, 36-anyos, residente ng No. 86 Second West St., Brgy. West Crame ng naturang lungsod.
Nakuha mula sa kaniya ang 2.7 grams ng umano’y shabu na may katumbas na halagang P18,360.
Ginawa ang nasabing operasyon sa kahabaan ng 3rd West Crame St., Brgy., West Crame, lungsod ng San Juan, matapos makumpirma ang ilegal na transakyon ng suspek kaugnay sa ipinagbabawal na droga sa naturang lugar.
Napag-alaman na kabilang ang suspek sa drug watch list ng San Juan City Police.
Nakakulong na ang suspek sa San Juan City PNP Custodial Facility at nahaharap ito sa kasong paglabag sa Anti-Ilegal Drugs Act of 2002.
