Lalaking latagaw sa Toril naalaan sa alegasyong kidnapping incident

Davao City – Ginapangita na karon sa kapulisan ang usa ka lalaking latagaw sa Toril, Davao City human kini maoy giakusahan sa alegasyong kidnapping incident ug responsable sa pagka-trauma ang usa ka babaying Grade 9 student sa Doña Carmen Denia National High School.

Sa interbyu sa DXDC RMN Davao kang William Enriquez, Principal nahisgutang eskwelahan, gisaysay niini nga matud sa estudyante, pagawas kini sa eskwelahan sa dihang giagda kini og paniudto sa maong tawo sa dihang nibalibad, gigunitan ang iyang kamot rason nga nidagan kini ug nibalik pagsulod sa eskwelahan.

Gibutyag sa principal, ang maong tawo gitohoang adunay problema sa pangisip, na-encounter na usab usa ka maestra ug sa ilang school auxiliary.

“Mura’g lagoon gud siya, unya nag-short, nag-tsinelas, unya dakong tawo, tambokon unya taas og buhok. Mao pud to’y description sa bata didto sa maestra nga mao toy na-engkwentro pud sa iyang maestra. So gipangita nato sya sa mga pulis karon,” saysay sa principal.

Samtang, gipailawom na usab sa counseling ang estudyante ug nisaad nga mubalik na og eskwela sa sunod nga semana.

RadyoMaN Kirby Manzon