Makati City – Timbog ang isang lalaking nanaksak ng ka-live in partner sa Barangay Guadalupe Nuevo, Makati City.
Batay sa inisyal na imbestigsasyon, nag-check in sa isang apartelle sa Makati City ang suspek na si Erol Bautista, 22-anyos, kasama ang live-in partner na si Russel Lovely Bringas, 26-anyos.
Nagkaroon umano ng hindi pagkakaintindihan ang dalawa at pinagsasaksak ang biktima gamit ang bubog mula sa basag na bote.
Agad na naisugod sa Ospital ng Makati ang biktima matapos na magtamo ng mga saksak sa katawan.
Napag-alaman naman na lulong sa iligal na droga si Bautista matapos na marekober sa crime scene ang ilang drug paraphernalia na may bakas pa ng hinihinalang shabu.
Facebook Comments
