Davao City – Na-inquest na sa Sta.Ana Police Station kagahapon adlawa Oktubre 17, 2023 ang suspect sa budol o pagpangilad nga si Heranie Rubio, hingkod ang edad, taga Cagayan De Oro, diin sagad nabiktima niini mga bata sa syudad sa Davao.
Sa pakighinabi sa DXDC RMN Davao kang PLT Col. Ronald Lao, Station Commander sa Sta.Ana Police Station gisulti niya, kasong swindling ang gipasaka sa korte batok sa suspetsado.
Segun ni Lao, dugay-dugay na usab kining ginapanid-an sa kapulisan nga nagapangilad usab kini sa area sa San Pedro Police Station.
Subling nagpahimangno ang opisyal, kung adunay susama ani nga modus dili dayon motuo og dili magpadala aron dili mabiktima.
“Dili gyud motuo nga ibilin murag naay kuwarta,dili gyud ihatag sa laing tao budol budol man gihapon na”,sulti ni Lao.
Una niini, usa ka menor de edad nga babayi taga Agdao, ang nabiktima sa modus og nakuha sa suspetsado ang iyang cellphone niadtong Oktobre 10, 2023.
RadyoMaN Don Pulayao
Facebook Comments
