Malampusong nasikop sa ginsakpan sa kapulisan ang usa ka lalaking nananom ug marijuana sulid mismo sa panimalay gamit ang high tech nga mga galamiton. Ang suspek naila sa ngalang usa ka Rufus Heredia hingkod ang edad ug lumulupyo sa 8th Street, Guingona Subdivision, JP Rizal, Butuan City.
Ang pagsikop subay sa search warrant nga nagdala sa numero 1983-2019 nga gipagawas sa mtcc 10th Judicial Region Branch 2 Hall of Justice.
[ ] Nakuha sa mismong panimalay sa suspek ang 5 ka tanom mga marijuana nga nakatanom sa mga kaang.
Nga naglangkob sa 2 ka full grown nga marijuana nga nahimutang sa gawas sa likod nga bahin sa panimalay luyo sa habog nga pader.
Lakip sa nakuha mao ang lain pang usa ka full grown marijuana nga dunay katas on nga 4ft 7 inches nga naka tanom sulod sa kwarto sa suspek gamit ang hightech nga pagpatubo gamit ang artficial sunlight ug lang state of the art nga growing tent nga sangkap sa mga circulating fan, led lights, timer ug exhuast pipe.
Uban sa maong tanom ang lain pang duha ka mga seedlings sa marijuana nga nakabutang sa kaang nga sudlanan sa ice cream.
Lakip sa nakuha sa pdea ug kapulisan ang 4 ka silopin nga dunay sulod nga mga liso sa marijuana, abono ug growing box nga prototype sa maong suspek gamit ang cfl.
Human sa magpositibo ang suspek gibasa dayun kaniya ang Miranda Doctrine ug didto dayun gisikop ug gidala sa karsel sa Station 1.
Ang suspect aminado kini nga sayup ang iyang gibuhat gumikan kay illegal gyud matud pa ang ang pagpananom ug marijuana apan hugot nga gipanghinusgan niini nga alang lamang sa personal consumption ang iyang mga tinanom ug wala kini namaligya sa lain.
Dugang pa niini nga ang kanser sa iyang panit ang nagtukmod kaniya sa pagtanom sa marijuana sulod sa ilang panimalay kansang epektibo matud pa kini nga tambal sa iyang gihambin nga balatian.
Gumikan kay kalmado ang pagdawat sa suspek sa iyang sayup rason nga wa na kini posasi ug malinawon kining mikuyog sa kapulisan diin karun kasamtangang nabalhog kini sa karsel.
Sent from my Samsung Galaxy smartphone.
