General Santos City–Sikop sa operatiba sa Police Station 5 sa pagpanguna ni Police Chief Inspector Basher Alindo, hepe sa maong kwerpo sa kapulisan ang usa ka lalaking may dugong arabo nga naila sa Walib Lamanero Mubarac, legal age, residenti sa KPS Barangay Labangal, Gensan.
Nasayran nga bandang alas 12:00 sa udto una nang gikasa sa kapulisan ang buy bust operation batok kang Mubarac sa may National highway, Lower Acharon, barangay Calumpang .
Nakuha sa posisyon sa dinakpan ang usa ka sachet sa gituohang shabu ingon man marked money nga P500.00.
Sa interview sa DXMD Rmn Gensan News Team sa inahan sa suspek nga si Lilibeth gihingusgan niini nga wala siya nasayod sa sideline sa iyang anak gumikan sa iyang pagkahibalo usa lang kini sa sikad drayber.
Sa karon balhog na sa silda sa Police Station 5 ang suspek ug gikatakda na king kasuhan ug kalapasan sa RA 9165 kon Comprehensive Dangerous drug Act of 2002 ang maong suspetsado.
