General Santos City—Sikop ang usa ka Construction worker kansa nag-atubang ug duha ka mga kaso partikular na ang kasong slight Physical Injury ug kasong kalapasan sa Sec. 11 sa R.A 9165 atol sa gihimong operasyon sa Police Station 7 sa area sa barangay Fatima, Gensan.
Suspek giilang si Sandyvar Lumaas, lagal age, residenti sa Block 13, Purok 13, barangay Fatima.
Nasikop ang nasangpit pinasikad sa warrant of Arrest sa kasong iyang giatubang.
Wala na usab mipalag pa ang suspek human nga gipakita kaniya sa arresting officer sa Police Station 7 ang duha ka mga warrant of Arrest sa kasong iyang giatubang.
Sa karon ang suspek pabiling balhog sa silda sa Police Station 7 ug gihuwat nalang ang commitment order aron nga mabalhin na kini sa Gensan City Reformatory Center.
