General Santos City–Commitment order nalang ang gipaabot sa kapulisan aron nga mabalhin na sa Sarangani Provincial Jail ang suspek sa pagpanglugos sa asawa sa iyang paryente sa may Glan Sarangani Province.
Suspek nailang si Romano Bayata, 28 anyos nga nanimuyo sa maong munisipyo.
Ang nasampit nga suspek ang gikonsiderang no. 1 most wanted sa lungsod sa Glan.
Matud ni Police Lt. Col. Neil Wadingan, Hepe sa Glan PNP nga una nang midangop sa ilang buhatan ang biktima ug nisumbong nga siya giamong-amongan sa suspetsado, diin wala gyud siyay mahimo gumikan siya gitiunan ug sundang dihang gihimo niini ang krimen.
Tungod niini gikasuhan ang nasampit ug dihang migawas ang warrant of arrest niini niya gisikop ug gibalhog sa prisohan.
Facebook Comments
