South Cotabato — Gikasuhan na sa Tboli PNP ang lalaking mipatay ug milubong sa iyang live-in partner gumikan na usab sa selos niadtong Abril 20 sa Sitio Luheb, Barangay Mongkayo, Tboli, South Cotabato.
Giila ang suspek nga si Rudilito Sawan Laura, 41, karpentero, ug residente sa maong lugar. samtang biktima giilang si Joan Daquita Delfin, 31, ug residente sa Purok Langitnon, Barangay Zone 4, Koronadal City.
Nasayran nga ayha ang pagpatay naglalis ang suspek ug ang biktima gumikan sa selos . gituok sa suspek ang biktima hangtud nga nabugtuan sa iyang kinabuhi dayon gidala sa hilit nga lugar sa Sitio Luheb ug didto gilubong.
Apan nabisto gihapon ang gihimong pagpatay sa suspek sa iyang kapuyo mao nga gidakop kini sa mga miyembro sa BPATS ug giturn-over sa kapulisan.
