Davao City – Nakaplagang patay na ang usa ka missing person nga naila nga si Raymund Nievez Raywan, 68 anyos, ug residente sa Uyon 2 Prk. 5, New Carmen, Tugbok district ning siyudad sa Davao.
Subay sa report sa Tugbok PNP, duha na ka semana nga missing ang biktima ug nakita na lang sa bukirong bahin sa lugar kagahapon bandang alas-2:00 sa hapon nga wala nay kinabuhi ug gani nagsugod na og ka dugta ang lawas niini.
Gikaingon nga adunay Alzheimer’s disease kun sakit sa pagka kalimot ang biktima ug posibleng wala na makatoltol pabalik sa ilang panimalay diin didto na gikabsan sa kinabuhi.
Sa inisyal nga imbestigasyon sa mga kapolisan, walay nakitang foul play sa kamatayon niini ug kasamtangan nga nakahimlay na ang patay’ng lawas sa Anghel Funeral Homes sa Toril.
RadyoMaN Paul Canono
