Davao City – Away sa ka-live in partner ang rason matud pa nganong naghikog ang usa ka minor de edad alas 6:20 kagabii sulod sa ilang boarding house sa Brgy. 23-C. Purok 4, Isla Verde, ning syudad sa Davao.
Ang biktima giila nga si alyas Lea, 17 anyos, nanimuyo sa nasangpit nga lugar, kinsa nakitang nagbuy-od ni Nor Aiza AbdulHalim sa salog sa ilang boarding house.
Sa interbyu sa DXDC News Team sa ka-boardmate niini nga si alyas Ging-ging, gisaysay niini nga kanunay nang nagalalis ang magka-live in partner matag kadlawon diin makadistorbo na kini sa kakaubanang boarders.
Giingong gikan sa broken family ang biktima nga orihinal nanimuyo sa Tagum City.
Nasayran usab nga ni-inum kini og usa ka basiyo sa sleeping pills una gihiktan ang liog niini.
Daling gidala si alyas Lea sa Southern Philippines Medical Center (SPMC) ug luwas na sa makuyaw nga kahimtang.
RadyoMaN Don Pulayao / RadyoMaN Jason Amisola
