Davao City – Napatay sa sakop sa Sasa PNP ang usa ka lalake nga misuway og sukol pinaagi sa pag-atake sa kapulisan gamit ang wala matino nga mahait nga hinagiban alas-5:20 sa kabuntagon sa Panacan ning siyudad.
Dead on arrival na sa Southern Philippines Medical Center ang usa ka Angelo Canete, hamtong ug ulitawo nga nagpuyo sa Malagamot, Panacan human nalubngan og bala ang tiyan niini.
Napusilan matud pa ni PO1 Rodulf Caras sa Mobile #70 sa Sasa PNP si Canete human nga misuway kini og dasdas sa pulis.
Nasayran nga buot dakpon ni PO1 Caras si Canete human nga iyang gisuwayan og luba sila Letecia Donato ug Jefrrey Tuyan nga mga nagpuyo sa Tibungco ug Boulevard ning dakbayan.
Apan imbes nga mupatuo ug malinawon nga mutahan misuway naman kini og atake sa pulis mao napusilan ang biktima nga nagresulta sa hinanaling kamatayon niini.
RadyoMaN Joel Viray
