Glan, Sarangani Province–Hangtod karon wala pa gihapon makit-an ang na-missing nga mananagat nga si Elvis Tangili, hingkod ang pang-edaron nga taga Glan Sarangani Province kansa na-missing human nga mi-ambak sa iyang bangka dihang nahitabo ang 6.9 magnitude nga linog niadtong adlawng Domingo.
Sumala ni Police Lt. Col. Neil Wadingan, hepe sa Glan Municipal Police Station, kaabag na nila sa pagpangita sa lawas sa biktima ang mga personahe sa Philippine Coastguard.
Apan wala pa gihapon sila nakaplagan ang lawas sa biktima hangtod karong mga panahuna.
dugang pagbutyag ni Police Lt. Col. Wadingan nga nagtinabangay na ang Philippine Coastguard ug ang Philippine Maritime sa pagpangita sa biktima.
Apan hangtud karon wala pa silay report nga nadawat nga nakit-an na ang nasampit.
Hinuon ang Glan PNP gitugyan nalang ang pagpangita sa biktima ngadto sa Coastguard ug sa Philippine Maritime gumikan sila man ang adunay katakos sa rescue operation sa kadagatan.
