Lake Sebu, South Cotabato–Gikumpirma ni Police Major Johnrick Medel hepe sa Lake Sebu MPS nga gipasakaan na nila ug kasong kalapasan sa RA 10591 kon illegal possession of firearms ang suspetsadong si Roger Casipi,46 anyos, mag-uuma, nanimuyo sa Sitio Narra,Brgy Ned, Lake Sebu South Cotabato, kansa una ng nasikop sa kapulisan nga nagdala-dala ug armas sa lugar nga nakainom.
Matud pa ni Medel nga una na silang nakadawat ug report gikan sa nagpakabanang residente nga dunay usa ka lalaki nga hubog nga nanghasi nga dunay dalang armas sa usa ka balay sa nasampit nga lugar.
Naaktuhan ang suspek sa mirespondeng pulis sa lugar nga bitbit niini ang homemade shot gun hinungdan nga gilayong gisikop ang nasampit gumikan bawal sa balaod ang magdala-dala ug armas ilabi na kung walay igong dokumento.
Dugang asoy sa opisyal nga wala man hinuoy naigo nga tawo sa lugar bisan pa man nga nakapubuto kini sa iyang armas gawas lamang sa tag-iya sa usa ka balay nga nahadlok sa pagtuo nga pusilon ang iyang panimalay.
Sa kasamtangan nagtingkagol sa selda sa Lake Sebu PNP ang dinakpan.(Reynald Timario)
