General Santos City—Padayon pang gina-obserbaran sa mga mananambal nga nagpaalim sulod sa balay tambalanan ang biktimang si Hondrades Quisto, 41, minyo, construction worker residente sa Purok Olarte, brgy. Labangal kansa gidunggab sa suspek nga si Noel Almoroto, 33 anyos, ulitawo ug usa usab ka construction worker nga nanimuyo sa Purok Roberto block 1, Labangal, niadtong milabay nga semana sa Purok Olarte, Block 1 nga sakop usab sa brgy.Labangal.
Kahibaloan nga migawas sa inisyal nga imbestigasyon sa Makar PNP nga niadtong higayona nanglabay matud pa ug bato ang suspek sa mga by standers sa lugar ug sa dihang musuway unta pagdakop ang biktima sa suspek kalit kining gidunggab gamitang kutsilyo nga miresulta sa pagkaigo niini sa iyang dughan nga gilayon man usab gidala sa ospital sa mga silingan niini.
Gumikan sa tabang sa mga nakakita sa panghitabo malamposong nasikop sa kapulisan ang suspek sa lugar ug kasamta ngang nagtingkagol sa selda sa makar PNP samtang giandam na ang tukmang kasong atubangon sa suspetsado.(Reynald Timario)
